ئێمباپێ پەیوەندی بە لیڤەرپوول یان ریال مەدرید دەکات؟
تەنیا یەک خەونی هەیە
یاریگا –
کیلیان ئێمباپێی فەڕەنسی و ئەستێرەی یانەی پاریس سانجێرمان، پەیوەندی بە یانەی لیڤەرپوول ناکات.
رۆژنامەنووسی باوەڕپێکراو، فلۆریان پلاتنبێرگ بڵاویکردووەتەوە، یانەی لیڤەرپوول لە ساڵی 2024 هەوڵی گواستنەوەی کیلیان ئێمباپێ نادات، گواستنەوەی یاریزانەکە لەم قۆناخەدا پرسی سەرەکی یانەکە نییە.
رۆژنامەنووسە ئەڵمانییەکە ئاماژەی بەوەش کردووە، ریال مەدرید هێشتا نزیکترین یانەیە لە ئەستێرە فەڕەنسییەکە، کیلیان ئەگەر پاریس جێبهێڵیت پەیوەندی بەو یانەیەوە دەکات.
❗️Been told that Liverpool is NOT pushing for Kylian #Mbappé. His transfer in summer 2024 ist not an issue at this stage. #LFC
➡️ #PSG, still totally relaxed as they are financially secured (contractually) for his possible departure
➡️ Real Madrid is still the most realistic… pic.twitter.com/GokRb13Avf— Florian Plettenberg (@Plettigoal) December 1, 2023
یاریزانە تەمەن 24 ساڵانییەکە لە هاوینی داهاتوو گرێبەستەکەی لەگەڵ یانەکەی کۆتایی دێت. دەتوانێت بە شێوەیەکی ئازاد یانەکەی جێبهێڵیت.
ئەمەش لە کاتێکدایە هەفتەی رابردوو پێگەی تیم تۆک بڵاویکردەوە، رەنگە لیڤەرپوول بتوانێت کیلیان بۆ ریزەکانی پەلکێش بکات، ئەویش بە سود وەرگرتن لە پارەی فرۆشتنی محەمەد سەڵاح بە یانەی ئیتیحادی سعودی.
هاوکات پێگەی ڕێلیڤۆی ئیسپانی زانیاری دەستکەوتووە، بەرپرسانی یانەی ریاڵ مەدرید بڕیارانداوە بۆ دوایینجار لە هاوینی ساڵی 2024 ئۆفەرێکی دیکە پێشکەشی یاریزانە فەڕەنسییەکە بکەن، ئەگەر ئەمجارەیان ئێمباپێ بەم ئۆفەرەی مێرنگی رازی نەبێت، ئەوە چیدیکە ئەو یانەیە هەوڵی گواستنەوەی ناداتەوە و وازی لێدێنێت.
