خافیێر تیباس سەرۆکی لالیگا باسی سوودێکی جیاوازی جود بێڵینگهام دەکات بۆ لالیگا.
ئەستێرە ئینگلیزییەکە ناوبانگێکی زۆری پەیداکردووە بەو ئاستە بەرزەی لە یەکەم وەرزیدا لە مەدرید نیشانی دەدات و تیباس دەڵێت ئەمە بووەتە هۆکاری ئەوەی خولی ئیسپانی ناوبانگێکی زۆر لە بەریتانیا پەیدا بکات.
تیباس ئەمڕۆ بۆ ئاژانسی پی ئەی وتی ”
چەند مانگێکی کەمە هاتووە و هێشتا تەواوی کاریگەرییەکان دەرنەکەوتوون بەڵام ئەوە روونە کە بێڵینگهام کاریگەرییەکی گەورەی هەیە لەسەر ناوبانگی لالیگا لە . بەریتانیا. ئەو یاریزانێکی گرنگە و بەریتانیا و ئەو شوێنانەی بە ئینگلیزی قسە دەکەن زیاتر گرنگی بە خولەکەمان دەدەن بەهۆی ئەوەوە. ئەو لە مەدرید وەک ئەوەیە لە هەسارەیەکی دیکەوە هاتبێت. ئەو باشترین یاریزانی ئەورووپایە و لە خولەکەی ئێمە یاری دەکات. ناتوانین بەراوردی خۆمان بکەین بە پریمەرلیگ ئەوان گەورەترن بەڵام باشترینەکانی ئەورووپا لە ئیسپانیا یاری دەکەن.
بێڵینگهام سەرەڕای ئەوەی یاریزانی هێڵی ناوەڕاستە خاوەنی 13 گۆڵ و سێ ئەسیستە تەنها لە 14 یاریدا.
