چاڤی: دۆڕان بەرامبەر شاختار شەرمەزارییە
یاریگا –
چاڤی هێرناندێز، راهێنەری ئیسپانی یانەی بارسێلۆنای هەمان وڵات پێی وایە دۆڕان بەرامبەر شاختار دۆنێتسك شەرمەزارییە.
شەوی رابردوو شاختار دۆنێتسك لە هامبۆرگی ئەڵمانیا میوانداری بارسێلۆنای كرد و یارییەكەشی بە ئەنجامی گۆڵێكی بێ وەڵام لێ بردەوە، لە میانی یارییەكانی گەڕی چوارەمی قۆناخی كۆمەڵەكانی خولی یانە پاڵەوانەكانی ئەوروپا.
Final.
Shakhtar 1-0 Barça pic.twitter.com/kXaOYhXhbx— FC Barcelona (@FCBarcelona_cat) November 7, 2023
لە لێدوانەكانی دوای یارییەكە چاڤی ووتی:
یارییەکی باشمان ئەنجام نەدا، کارەکانیش بەو شێوەیە نەڕۆیشتن کە پلانمان بۆ دانابوو، ئەوەش هەنگاوێکە بۆ دواوە، ئێمەش توڕەین، ئەمە هەڵەیەکی گەورەیە لەلایەن ئێمەوە.
چاڤی بەردەوام بوو ووتی:
تێنەدەگەیشتم یارییەكە چی دەوێت، بەوپێیەی نە باش بەرگریمان كرد نە بە باشی هێرشمان برد، وردەكارییە بچوكەكان كاریگەریان لەسەر ئێمە هەبوو ئەوەش شەرمەزارییە.
راهێنەرەكەی بلاوگرانا بەردەوام بوو ووتی:
ئێمە لە ساتی دابەزینداین، یەكێك لە خراپترین یارییە تەكتیكیەكانمان لە ماوەی دوو ساڵی رابردوودا ئەنجامدا، دەبێت رەخنە لە خۆمان بگرین و شتەكان رێك بخەینەوە.
بارسێلۆنا بە كۆكردنەوەی 9 خاڵ لە پێشەنگی ریزبەندی كۆمەڵەی هەشتەم دایە و پۆرتۆش بە هەمان خاڵ لە پلەی دووەمدایە شاختار بە كۆكردنەوەی شەش خاڵ پلەی سێیەمی گرتووە.
