ریال مەدرید شوێنگرەوەی کارڤاخال دەستنیشان دەکات

یاریگا –

ریال مەدرید سەرنجی تەواوی خۆی لەسەر ریس جەیمس، بەرگریکاری چێڵسی داناوە و دەیەوێت بیکاتەوە شوێنگرەوەی دانی کارڤاخال.

ریال مەدرید لە چەند ساڵی رابردوودا، ستراتیژیەتی گواستنەوەکانی بە تەواوی گۆڕیوە، ئێستا بە دوای یاریزانی لاوی ئاست بەرز دەگەڕێت، تاوەکو بۆ ماوەیەکی درێژ گرێبەستی لەگەڵدا بکات و لە بێرنابیۆ بمێنێتەوە.

رۆژنامەی موندۆ دیپۆرتیڤۆ بڵاویکردووەتەوە، هەرچەندە گرێبەستی جەیمس لە هاوینی 2028 بەسەر دەچێت و هیچ نیازێکی بۆ جێهێشتنی لەندەن نییە. کەچی ریال مەدرید دەیەوێت هاوکێشەکە بگۆڕێت و گفتوگۆکان دەستپێبکات.

لە ماوەی 10 ساڵی رابردوودا، کارڤاخال 386 یاری لەگەڵ مەدرید کردووە و یەکێکە لە دیارترین یاریزانانی ئەم سەردەمەی مەدرید. کارڤاخال سێ نازناوی لالیگا، دوو جامی ئیسپانیا و پێنج چامپیۆنزلیگی لەگەڵ لۆس بلانکۆس بەدەستهێناوە.

دووشەممە، چێڵسی یاری دێربی باکووری لەندەن لە بەرامبەر تۆتنهام دەکات و پێشبینی دەکرێت جەیمس یاریزانی سەرەکی بێت.