قەرزەکانی مانچێستەر یونایتد یەک ملیار پاوەندی تێپەڕاند!

یاریگا

یانەی مانچێستەر یونایتدی ئینگڵتەرا دوای کڕینەوەی لەلایەن بنەماڵەی گلایزەرز تەنها 12 ملیۆن پاوەند قەرزدار بوو، کەچی ئێستا قەرزەکانی گەیشتووەتە ئامارێکی سەرسوڕهێنەر.

رۆژنامەی ئەتلەتیک بڵاویکردەوە، قەرزەکانی مانچێستەر یونایتد بۆ زیاتر لە یەک ملیار پاوەند زیادی کردووە. لە کاتێکدا ئەو یانەیە ئامارە داراییەکانی خۆی بڵاوکردەوە و قازانجێکی پێوانەیی بە 648.4 ملیۆن پاوەند تۆمارکرد، هێشتا زیانی 28.7 ملیۆن پاوەندی تۆمارکردووە.

سەرچاوەکە بڵاویشی کردەوە قەرزی پاکی شەیتانە سوورەکان بە 507.3 ملیۆن پاوەند ماوەتەوە، بەڵام بە وەرگرتنی ئاسانکاری بانکی 160 ملیۆن پاوەند، کۆی قەرزەکانیان بۆ 773 ملیۆن پاوەند زیادکردووە.

بە پاشەکەوتی گواستنەوەی یاریزانان کە بە 317.8 ملیۆن پاوەند دادەنرێت، کۆی قەرزەکانی یانەکە لە یەک ملیار پاوەند زیاترە. بەهۆی پەتای کۆرۆناوە، مانچێستەر یونایتد ناچار بوو ئاسانکارییەکانی بانکی لە ئەمریکا بەکاربهێنێت بۆ دابینکردنی پارەی کڕینی یاریزانان، بە هەمان پارە گرێبەستیان لەگەڵ کاسمیرۆ و ئەنتۆنی کرد.