یاریگا –
فلۆرێنتینۆ پێرێز، سەرۆکی ریال مەدرید وەڵامی راپۆرتەکانی پەیوەندیدار بە گواستنەوەی کیلیان ئێمباپێ بۆ مەدرید دەداتەوە.
گرێبەستی ئێمباپێ لە کۆتایی ئەم وەرزە لەگەڵ پاریس سانجێرمان بەسەردەچێت، رۆژنامەی سپۆرت لە چەند رۆژی رابردوودا باسی لە نزیکبوونەوەی کیلیان و یانە مەدریدییەکە کرد. بە گوێرەی سەرچاوەکانی رۆژنامە کاتالۆنییەکە بێت، ئێمباپێ و ریال مەدرید، مانگی داهاتوو دەگەنە رێککەوتن و لە هاوینی داهاتوودا ئێمباپێ دەبێتە یاریزانی ریال مەدرید.
لە وەڵامی ئەم راپۆرتانەدا، پێرێز لە گرتەیەکی ڤیدیۆییدا لەگەڵ هەوادارانی یانە مەدریدییەکە دەردەکەوێت و دەڵێت، بە هیچ شێوەیەک گوێم لە بابەتی لەم شێوەیە نەبووە.
“Presi, ficha a Mbappé ya”.
La respuesta de Florentino, sublime. 😂👏🏼 pic.twitter.com/smo8Xmcoxz
— Jose Padilla (@JosePadi_) October 17, 2023
ئێمباپێ لە سەرەتای مێرکاتۆی هاوینەی رابردوودا، داواییەکی فەرمی ئاراستەی دەستەی کارگێڕی پاریس سانجێرمان کرد و داوای کاراکردنی مەرجی جێهێشتنی یانەکەی کرد، ئەمەش بە گوێرەی رێککەوتنی نێوان هەردوولایە و بەمشێوەیەش، لە هاوینی داهاتوودا، کیلیان پاریس جێدەهێڵێت.
ئێمباپێ لەم وەرزەدا بەشداری 9 یاری لەگەڵ پاریس سانجێرمان کردووە و هەشت گۆڵی کردووە.
