ڤینیسیوس: هەمووان حەز دەکەن ئێمباپێ لە ریال مەدرید بێت

یاریگا

ڤینیسیوس جونیۆر ئەستێرەی بەڕازیلی یانەی ریال مەدریدی ئیسپانیا دەڵێت هەموو یاریزانەکانی یانەکەیان ئارەزووی ئەوە دەکەن کلیان ئێمباپێ پەیوەندی بە یانەکەیانەوە بکات.

ئەستێرە بەڕازیلیەکەی مێرنگی لە دیمانەیەکدا لەگەڵ گۆڤاری فرانس فتبۆل باس لە زۆر بابەت لەوانەش هاتنی ئێمباپێ بۆ یانەکەیان دەکات.

ڤینی لەبارەی ئەستێرە فەرەنسیەکەی شازادەکان دەڵێت

لە ڕیال مەدرید هەمووان دەیانەوێت لەگەڵ کیلیان ئێمباپێ یاری بکەن. هیوادارم ڕۆژێک ڕووبدات چونکە یەکێکە لە باشترین یاریزانەکانی جیهان، ڕەنگە تەنانەت باشترین یاریزانی جیهان بێت لە ئێستادا

ڤینیسیوس لەبارەی دروشمی رەگەز پەرستی هاندەران گووتی

ئەگەر من تەنیا بم لە بەرەنگاربوونەوەی ڕەگەزپەرستیدا، ناتوانم روبەڕوویان ببمەوە. بەهۆی ئەوەی لە ڤالێنسیا ڕوویدا، گوتم ئیسپانیا وڵاتێکی ڕەگەزپەرستە، بەڵام لە هەموو یارییەکانی دەرەوەی یاریگا پێش ئەوە حاڵەتی ڕەگەزپەرستی هەبوو. لالیگا هەرگیز هیچی نەکرد. پێشتر قسەم لەگەڵیان کردووە تا بڵێم ئەمە پێویستی بە گۆڕانکاری هەیە، گوێیان لە قسەکانم نەگرت. بەرپرسە وەرزشییەکانی ئەم وڵاتە لەو ساتەوەی هەموو جیهان دەستیان کرد بە باسکردنی ئیسپانیا گوێیان لێم بوو