یاریگا –
چاڤی هێرناندێز، راهێنەری ئیسپانی یانەی بارسێلۆنای هەمان وڵات رەخنە لە ئاستی ناوبژیوان دەگرێت لە دوای یارییەكەی شەوی رابردوویان.
گرانادا لە یاریگای خۆیدا میوانداری بارسێلۆنای كرد و یارییەكەش بە ئەنجامی دوو گۆڵ بۆ هەردوولا یەكسان بوون، لە میانی یارییەكانی هەفتەی نۆیەمی خولی ئیسپانیا.
لە دوای یارییەكە لە لێدوانەكانیدا بۆ رۆژنامەی مۆندۆ دیپۆرتیڤۆ چاڤی ووتی: دەسمان بەسەر یارییەكەدا گرتبوو، شایەنی زیاتر بووین، لەگەڵ یاریزانەكان قسەم كرد سەبارەت بە یاری توند و تیژی بەرامبەر لە ژێر فشاردا، لە دوای 30 خولەك دوو گۆڵمان لێكرا.
ئاماژەی بەوەشكرد: ناچار بووین شەڕ بكەین و بجەنگین، لە گێمی دووەمدس شێوازی یاریكردنمان گۆڕی، لە كۆتاییشدا شایەنی بردنەوە بووین و تەنیا خاڵێك بەس نەبوو.
لە درێژەی قسەكانیدا ووتی: جێگای شەرمەزاریی بوو گۆڵی سێیەم رەتكرایەوە، فێران بەشداری لە تۆپەكەدا نەكرد، ناوبژیوانی چوارەم پێی ووتم كە گۆڵەكە لەبەر ئەوە رەتكراوەتەوە كە فێران بەشداری تێدا كردووە، بەڵام دواتر راپۆرتەكەیان گۆڕی.
🎙️ Xavi, Lamine i Araujo repassen el #GranadaBarça pic.twitter.com/RrtJNLHRTx
— FC Barcelona (@FCBarcelona_cat) October 8, 2023
سەبارەت بە كۆندی ووتی: كۆندی باشە و شتەكە مەترسیدار نیە، چاوەڕێین بزانین لامین یەمال چی لێ دێت كە هەستی بە ئازار كرد.
بارسێلۆنا بە كۆكردنەوەی 21 خاڵ لە ریزبەندی سێیەمی خولی ئیسپانیا دێت و بە جیاوازی سێ خاڵ لە دوای مەدریدی پێشەنگەوەیە.
