یاریگا –
ئەلیخاندرۆ دۆمینگێز، سەرۆكی یەكێتی تۆپی پێی ئەمریكای باشوور ناوی ئەو سێ وڵاتەی ئاشكراكرد كە میوانداری یارییەكانی جامی جیهانی 2030 دەكەن.
فیفا تا ئێستا وڵاتانی میوانداری مۆندیالی 2030ی دیاری نەکردووە، بەڵام فایلێکی هاوبەشی نێوان ئیسپانیا، پۆرتوگال و مەغریب نزیكە لەوەی مافی بەدەستهێنانی مۆندیالی 2030 بەدەستبهێنێت.
دۆمینیگێز لە هەژماری تایبەتی خۆی لە پلاتفۆرمی ئێكس نووسیویەتی:
سەدەمین ساڵیادی جامی جیهانی 2030 لەو شوێنە دەستپێدەكات كە هەموو شتێك لێیەوە دەستیپێكردووە، ئەرجەنتین، پاراگوای و ئۆرۆگوای میوانداری یارییەكانی كرانەوەی پاڵەوانیەتیەكە دەكەن، وڵاتەکەمان شانازی دەکات بە میوانداریکردنی یاری یەکەمی ئەرجەنتین لە ساڵی 2030، ئێمەش بەشداری ئاهەنگەکانی مۆندیال دەکەین.
Creímos en Grande. El Mundial Centenario 2030 comienza donde todo se inició.
¡Uruguay, Argentina y Paraguay serán sedes de los partidos inaugurales del #MundialCentenario 🏆
— Alejandro Domínguez (@agdws) October 4, 2023
دەیڤد ئۆرنشتاین لە هەژماری تایبەتی خۆی ئاشكرایكرد، یارییەكانی جامی جیهانی 2030 لە هەریەك لە مەغریب، پۆرتوگال و ئیسپانیا دەكرێت.
هەروەها ئەوەشی ئاشكراكرد، هەریەك لە ئەرجەنتین، پاراگوای و ئۆرۆگوای میوانداری یاری كرانەوەی هەڵبژاردەكانیان دەكەن، بەهۆی یادی 100 ساڵەی مۆندیالەوە، پاشان یارییەكانی دیكە لە هەریەك لە ئیسپانیا، مەغریب و پۆرتوگال دەكرێت.
🚨 Morocco, Portugal & Spain set to stage 2030 World Cup
🚨 To mark 100yrs of #FIFAWorldCup first 3 games to feature Uruguay, Argentina, Paraguay at HOME
🚨 Opening ceremony + rest of event in host nations (all 6 qualify)
🚨 2034 in Asian or Oceana confedshttps://t.co/DCeVRYACsQ— David Ornstein (@David_Ornstein) October 4, 2023
بەوەش هەریەك لە هەڵبژاردەكانی پۆرتوگال، ئیسپانیا، مەغریب، ئەرجەنتین، پاراگوای و ئۆرۆگوای راستەوخۆ سەركەوتوون بۆ جامی جیهانی 2030.
