یاریگا –
یانەی ریال مەدریدی ئیسپانی پێكانی یاریزانی لاوی یانەكەی ئاردا گولەری راگەیاند.
لە گواستنەوەكانی هاوینی ئەمساڵدا ئاردا گولەر بە بەهای 20 ملیۆن یۆرۆ لە فەنەرباچێوە پەیوەندی بە ریال مەدریدەوە كرد.
لە دوای پەیوەندیكردنی بە ریال مەدریدەوە و لە راهێنانەكاندا گولەر تووشی پێكانێكی درێژخایەن بوو بەهۆیەوە نەیتوانیوە بەشداری لە هیچ یارییەكی یانە شاهانەكەدا بكات.
ماوەی چەند رۆژێكە ئەستێرە توركیەكە گەڕاوەتەوە راهێنانەكانی مێرینگی.
Parte médico de Arda Güler.#RealMadrid
— Real Madrid C.F. (@realmadrid) September 26, 2023
كەمێك پێش ئێستا ریال مەدرید لە هەژماری تایبەتی خۆیان لە تۆڕی كۆمەڵایەتی ئێكس بەیاننامەیەكی فەرمیان بڵاوكردەوە و تێیدا هاتووە:
دوای پشكنینەكان دەركەوتووە ئاردا گولەر لە ماسولكەی پێشەوەیدا پێكانی هەیە.
سەرچاوە ئیسپانیەكان ئاشكرایانكردووە بەهۆی پێكانەكەیەوە گولەر ماوەی سێ هەفتە لە یاریگاكان دووردەكەوێتەوە.
Guler estará de baja alrededor de tres semanas.
— Arancha Rodríguez (@AranchaMOBILE) September 26, 2023
یاریزانەكە لە دوای گەڕانەوەی بۆ راهێنانەكان راستەوخۆ تووشی پێكان بووەتەوە و ناتوانێت بەشداری یارییەكانی مەدرید بكات تا دوای پشووە نێودەوڵەتیەكان.
