یاریگا –
نێیمار دا سێلڤا، ئەستێرەی هەڵبژاردەی بەڕازیل و یانەی هیلالی سعودی دڵخۆشی خۆی دەربڕی بۆ یەكەم بەشداریكردنی لەگەڵ یانە نوێیەكەی و بردنەوە گەورەكەیان.
شەوی رابردوو هیلال لە یاریگای خۆیدا میوانداری ریازی كرد و یارییەكەشی بە ئەنجامی شەش گۆڵ بەرامبەر گۆڵێك لێ بردەوە، لە میانی یارییەكانی هەفتەی شەشەمی خولی رۆشنی سعودیدا.
🔚 سداسية زرقـاء في الريـاض 😍💙
مبرووووك للزعماء 👏🏻#الهلال pic.twitter.com/8uW90IdwaE— نادي الهلال السعودي (@Alhilal_FC) September 15, 2023
لەو یارییەدا گۆڵكاری مێژووی سامبا بۆ یەكەمجار بە درێسی هیلالەوە بەشداری كرد و لە خولەكی 64 هاتە نێو یاریگا.
لەو یارییەدا نیمۆ توانی گۆڵێك درووست بكات و هۆكار بوو بۆ كردنی دوو گۆڵی دیكە.
نێیمار لە ڤیدیۆیەكدا كە لە هەژماری فەرمی هیلال لە تۆڕی كۆمەڵایەتی ئێكس دانراوە نێیمار ووتی: زۆر دڵخۆشم بە یەكەم بەشداریكردنم، هەڕوەها بە ئەسیستەكەم، گەورەترین دلخۆشیم ئەوەیە كە یەكەم بردنەوەم لەگەڵ هیلال بەدەستهێنا.
لە دەێژەی قسەكانیدا ووتیشی: ئێمە پێكەوەین، لە یاری داهاتوودا دەتانبینمەوە.
🎬 بعد الظهور الأول.. @neymarjr يتحـدّث 💙#الهلال pic.twitter.com/yxnur0klnl
— نادي الهلال السعودي (@Alhilal_FC) September 15, 2023
هەروەها لە هەژماری تایبەتی خۆی لە تۆڕی كۆمەڵایەتی ئینستاگرام نووسیویەتی: زۆر دڵخۆشم بە یەكەم بەشداریكردنم و یەكەم بردنەوەم، سوپاسی هاندەرانیش دەكەم بۆ ئەو پێشوازیە.
