تۆتنهام نزیکە لە یاریزانێکی 50 ملیۆن پاوەندی

یانەی تۆتنهام هۆتسپێرز سەرقاڵی گواستنەوەی برێنان جۆنسنی ئەستێرەی نۆتینگهام فۆرێستن.

لە کۆتا رۆژەکانی بازاڕی گواستنەوەدا، نۆتینگهام سەرەنجام گڵۆپی سەوزی هەڵکردووە ئەو یاریزانە بفرۆشێت بە سپێرز بەرامبەر بە 50 ملیۆن پاوەند، ئەمەش بەگووتەی میدیاکانی بەریتانیا.

پێشتر فابریزیۆ رۆمانۆی رایگەیاندبوو، یانەی برێنتفۆرد هەوڵی رفاندنی ئەو یاریزانە دەدات لە تۆتنهام و گرێبەستێکی 43 پاوەندیان ناردبوو بۆ نۆتینگهام بەڵام هەرزوو رەتکرایەوە.

برێنان لەپێگەی هێرشبەر یاری دەکات و پارساڵ رۆڵێکی گرنگی گێڕا لە هێشتنەوەی نۆتینگهام لە پریمەرلیگ بە تۆمارکردنی هەشت گۆڵ و دروستکردنی سێی دیکە.

تۆتنهام پێویستی بە هێرشبەرێکە پاش رۆیشتنی هاری کەین و هاوکات لەگەڵ ئەو ئاستە خراپەی ریچارلیسۆن لە یانەکە پێشکەشی دەکات.