بارسێلۆنا دەیەوێت گرێبەستی یاریزانێكی نوێ بكاتەوە
یاریگا –
یانەی بارسێلۆنای ئیسپانی دەیەوێت گرێبەستی فێرمین لۆپێز یاریزانی لاوی یانەكەی نوێ بكاتەوە.
لۆپێز توانی متمانەی چاڤی بەدەست بهێنێت لە ماوەی یارییە ئامادەكاریەكاندا بۆ وەرزی نوێ، بەتایبەت دوای گۆڵەكەی بەرامبەر ریال مەدرید.
وەرزی رابردوو یاریزانە 20 ساڵانەكە بە خواستن لە ریزەكانی لینارێس یاری دەكرد و دوای پێشكەشكردنی ئاستە بەرزەكەی راهێنەرە ئیسپانیەكە بڕیاریدا پارێزگاری لێ بكات و لە یانەكەی بیهێڵێتەوە.
⭐ Recordin el seu nom: Fermín López
— FC Barcelona (@FCBarcelona_cat) July 30, 2023
دوای پێكانی پێدری و دووركەوتنەوەی بۆ ماوەیەكی زۆر لە یاریگاكان، چانسی یاریكردن بۆ فێرمین لۆپێز زیاتر بووە.
كەمێك پێش ئێستا فابریزیۆ رۆمانۆ رۆژنامەنووسی ئیتاڵی و شارەزا لە بازاڕی گواستنەوەی یاریزانان لە هەژماری تایبەتی خۆی لە تۆڕی كۆمەڵایەتی ئێكس ئاشكرایكرد، فێرمین لۆپێز گرێبەستەكەی لەگەڵ بارسێلۆنا تا ساڵی 2028 نوێ دەكاتەوە.
ئەوەشی دووپاتكردەوە، كە بڕی هەڵوەشاندنەوەی گرێبەستە نوێیەكەی لۆپێز لەگەڵ بلاوگرانا 400 ملیۆن یۆرۆ دەبێت.
Fermin Lopez will sign new deal at Barcelona today; it will be valid until June 2028 after breakthrough in talks as reported yesterday 🔵🔴✨ #FCB
🔒 Release clause: €400m. pic.twitter.com/ir7kXiSOQn
— Fabrizio Romano (@FabrizioRomano) August 29, 2023
هەروەها رۆژنامەی سپۆرت ئاشكرایكرد، ئیدارەی یانەی بارسێلۆنای ئیسپانی دەیانەوێت گرێبەستی ئەستێرە لاوەكەیان تا ساڵی 2028 نوێ بكەنەوە.
گرێبەستەكەی ئێستای لۆپێز لەگەڵ بلاوگرانا لە هاوینی ساڵی 2024 بەسەردەچێت.
