وادەی كۆتاییهاتنی بازاڕی گواستنەوەی خولە بەهێزەكانی جیهان
یاریگا –
تا دێت لە كۆتایهاتنی ماوەی بازاڕی هاوینەی گواستنەوەی یاریزانان نزیكدەبینەوە.
گواستنەوەكانی هاوینە چەندین رووداو و گرێبەستی گەورە روویدا و چەندین یاریزانی گەورە یانەكە و خولەكەیان جێهێشت و پەیوەندیان بە خول و وڵاتێكی دیكەوە كردووە.
لیۆنێل مێسی ئەفسانەی تۆپی پێ و یاریزانی پێشووی پاریس سان جێرمان دوای كۆتاییهاتنی گرێبەستەكەی پەیوەندی بەخولی ئەمریكی و یانەی ئینتەر مەیامی ئەو وڵاتەوە كرد.
Sí, Muchachos📍 pic.twitter.com/8E3f9hb9VU
— Inter Miami CF (@InterMiamiCF) July 15, 2023
نێیمار دا سێلڤا ئەستێرەی هەڵبژاردەی بەڕازیل بەهەمان شێوە ریزەكانی پاریس سان جێرمانی فەڕەنسی جێهێشت و پەیوەندی بە یانەی هیلالی سعوودیەوە كرد.
🎬 “O talento maravilhoso… que atrai a atenção de todos” @neymarjr 💙#نيمار_هلالي #الهلال pic.twitter.com/TTzADrVGJJ
— نادي الهلال السعودي (@Alhilal_FC) August 15, 2023
چەندی ئەستێرەی گەورەی ئەوروپا یانەكانیان جێهێشت و روویان لە خولی سعودی كرد لە نێویاندا كەریم بێنزێما، ریاز مەحرز ، رۆبن نێڤێش،سادیۆ مانێ،رۆبێرت فێرمینیۆ و چەندین ئەستێرەی دیكە.
لە ساڵی 2002 بۆ یەكەمجار بازاڕی گواستنەوەی یاریزانان درووستبوو و پێشتر لە هەر كاتێك بوایە یاریزانەكان دەیانتوانی یانەكەیان جێبهێڵن.
دواتر یەكێتی تۆپی پێی جیهان بازاڕی گواستنەوەی هاوینە و زستانەی لە وەرزی 2002/2003 دامەزراند.
وادەی كۆتاییهاتن و داخستنی بازاڕی گواستنەوەی هاوینەی یاریزانان لە خولە بەهێزەكانی جیهان:
خولی ئینگلیزی (پرێمەرلیگ): 1ـی ئەیلوول
خولی ئیسپانی ( لالیگا ): 1ـی ئەیلوول
خولی ئیتاڵی ( سێریا ئەی ): 1ـی ئەیلوول
خولی ئەڵمانی ( بۆندسلیگا ): 1ـی ئەیلوول
خولی فەڕەنسی ( لیگ 1): 1ـی ئەیلوول
خولی سعودی: 20ـی ئەیلوول
