رامۆس بەرەو سعودیە
یاریگا –
سێرجیۆ رامۆس، پێچەوانەی پێشبینییەکان، خەریکە پەیوەندی بە یانەیەکی سعودییەوە دەکات.
ئیدۆ ئاگێری، رۆژنامەنووسی دیاری بەرنامەی چیرنگینتۆ روونیکردەوە، یانەی ئیتیحادی سعودی، گفتوگۆکانی لەگەڵ سێرجیۆ رامۆس، بەرگریکاری پێشووی ریال مەدرید و پاریس سانجێرمان دەستپێکردووە.
ئاگێری دەڵێت؛ بە ئەگەرێکی زۆرەوە، سێرجیۆ رامۆس بۆ ئەم وەرزە، یاری بۆ ئیتیحاد دەکات، بەبێ ئەوەی هیچ زانیارییەک لەبارەی وردەکارییەکانی گرێبەستەکەی ئاشکرا نەکرد.
🚨INFORMACIÓN de @EduAguirre7🚨
💣"RAMOS está en conversaciones con AL-ITTIHAD para jugar allí esta temporada". pic.twitter.com/XquzUCkoc7
— El Chiringuito TV (@elchiringuitotv) August 23, 2023
لەلایەکی دیکەوە، وەلید فەراج، رۆژنامەنووسی دیاری سعودی لە تویتێکدا دووپاتیکردووەتەوە، رامۆس لە ماوەی 48 کاتژمێری داهاتوودا، پەیوەندی بە یانەیەکی سعودی دەکات.
⏳⏳⏳⏳⏳⏳
48 ساعة بأذن الله 💪🇸🇦 pic.twitter.com/4w70quQemJ— #وليد_الفراج (@waleedalfarraj) August 22, 2023
لە چەند رۆژی رابردوودا، رۆژنامەکان باسیان لە نزیکبوونەوەی رامۆس لە بێشیکتاش و گاڵاتەسەرای کرد، بەڵام ئێستا گفتوگۆکان هەڵوەشاونەتەوە و رامۆس لە ئیتیحاد نزیکە.
رامۆس، بە ئەفسانەیەکی دیاری ریال مەدرید و هەڵبژاردەی ئیسپانیا دادەندرێت، لە دوای بەسەرچوونی گرێبەستەکەی لەگەڵ پاریس سانجێرمان، ئێستا بێ یانە ماوەتەوە.
رامۆس لە ماوەی دوو وەرزیدا لەگەڵ پاریس سانجێرمان، بەشداری لە 58 یاریدا کرد و شەش گۆڵی کرد.
ئیتیحاد هەردوو یاری ئەم وەرزەی خولی رۆشنی سعودیەی بردووەتەوە.
