یاریگا –
کارلۆ ئانچێلۆتی راهێنەری یانەی ریال مەدرید، هەواڵێکی خۆشی لەبارەی یەکێک لە یاریزانە پێکراوەکانی پێگەیشت.
رۆژی دووشەممەی رابردوو یانەی ریال مەدرید رایگەیاند، کە ئاردا گولەری ئەستێرەی نوێی یانەکەیان لە ئەژنۆیدا نەشتەرگەرییەکی بۆ ئەنجامداراوە و دەست بە پڕۆسەی چاکبوونەوە دەکات.
پێگەی دیفێنسا سێنتڕاڵ بڵاویکردووەتەوە، ئاردا گولەر پزیشکەکانی یانەی ریال مەدریدی تووشی سەرسوڕمان کردووە، بەهۆی خێرا چاکبوونەوەی لە دوای نەشتەرگرییەکەی، پزیشکەکان گولەر بە “گا”یەکەی بەهێز وەسف دەکەن.
🔥En el equipo merengue tienen mucha ilusión por ver al turco sobre el césped antes de lo pensado.https://t.co/9oxBAWc6CJ
— Defensacentral.com (@defcentral) August 20, 2023
هاوکات پێگە ئیسپانییەکە ئاماژەی بەوەیش کردووە، بەهۆی ئەو خێرا چاکبوونەوەیە ئەستێرە تەمەن 18 ساڵانییەکە لە ماوەیەکی کورتتردا دەگەڕێتەوە بۆ یاریکردن.
مێرێنگی لەم مێرکاتۆیە ئاردا گولەری لە یانەی فەنەرباچێی تورکییەوە گواستەوە ریزەکانی بە بڕی 20 ملیۆن یۆرۆ، ناوبراو بۆ ماوەی 6 وەرز و تا هاوینی 2029 یاری بۆ یانە شاهانییەکە دەکات.
لەم مێرکاتۆیە یانەی بارسێلۆنای ئیسپانی هەوڵێکی زۆریدا بۆ گواستەنەوەی ئەستێرە تورکییەکە، بەڵام ریال مەدرید بە گرێبەستێکی زەبەلاحتر هاتە ناو کێبڕکێی گواستنەوەی یاریزانەکە و گرێبەستەکەی لە بەرژەوەندی خۆی یەکلایی کردەوە.
📋 𝑁𝑜𝑚𝑏𝑟𝑒: Arda
1𝑒𝑟 𝑎𝑝𝑒𝑙𝑙𝑖𝑑𝑜: 'Calidad'
2º 𝑎𝑝𝑒𝑙𝑙𝑖𝑑𝑜: Güler pic.twitter.com/Ngl2jBC6Y1— Real Madrid C.F. (@realmadrid) July 12, 2023
