یاریگا –
بۆ جاری یەكەم لە مێژوودا خانمانی ئیسپانیا بوون بە پاڵەوانی جیهان.
هەڵبژاردەی تۆپی پێی ئافرەتانی ئیسپانیا گەورەترین ناسناویان لە مێژووی خۆیاندا بەدەست هێنا و توانیان بە شکستهێنانی هەڵبژاردەی ئینگلتەرا ناسناوی جامی جیهانی 2023 بەدەست بهێنن.
یاری کۆتایی مۆندیال لە نێوان هەڵبژاردەکانی ئیسپانیا و ئینگەڵتەرا لە یاریگای ئۆڵۆمپی سیدنی بە ئامادەبوونی و 75 هەزار و 784 هاندەر بەڕێوەچوو، توانیان بە ئەنجامی 1-0 لە هەڵبژاردەی ئینگلتەرایان ببەنەوە. گۆڵێکی ئۆلگا کارمۆنا بەس بوو بۆ ئەوەی ئیسپانیا بەنرخترین جام لە مێژووی تۆپی پێ بەرز بکاتەوە و ئەستێرەیەک لەسەر درێسەکەیان بنەخشێنن.
دوای بردنەوەی جامی جیهانی، ئافرەتانی ئیسپانیا خەڵاتی تاکەکەسیشیان بەدەستهێنا. دوای کۆتایی هاتنی ئەم یارییە، ئایتانا بۆنماتی وەک باشترین یاریزانی ئەم پاڵەوانەتیە هەڵبژێردرا و تۆپی زێڕینی بەدەستهێنا. هەروەها سەلما پارالویلۆ یاریزانی هەڵبژاردەی ئیسپانیا خەڵاتی باشترین یاریزانی لاوی پاڵەوانێتیەکەی بەدەستهێنا.
ماری ئایریس گێلەر گۆڵپارێزی هەڵبژاردەی ئینگلتەرا، وێڕای شکستیان لە بەدەست هێنانی ناسناوەکە، دەستکێشی زێڕینی بەدەستهێنا و بووە باشترین گۆڵپارێزی ئەم پاڵەوانەتیە.
