پاریس سانجێرمان شوێنگرەوەی نێیمار دەستنیشان دەکات
یاریگا –
یانەی پاریس سانجێرمانی فەڕەنسی بە گرێبەستێک بۆ ماوەی پێنج ساڵ لەگەڵ راندال کۆلۆ مۆانی گەیشتە رێککەوتنێکی کۆتایی.
لە دوای پەیوەندی کردنی نێیمار داسیلڤا بۆ خولی سعودی یانە پاریسیەکە دەیەوێت شوێنگرەوەیەک بۆ هێرشبەرەکەی بگوازێتەوە و بڕیارە کۆڵۆ مۆانی پێش کۆتایی هاتنی بازاڕی گواستنەوەکان بە فەرمی ببێتە یاریزانی پاریس سانجێرمان.
سانتی ئاۆنا رۆژنامەنوسی فۆت مێرکاتۆ رایگەیاند کە رێککەوتنی نێوان یانە فەرەنسییەکە و ئەم یاریزانە پێشتر کۆتایی پێهاتووە.
🚨EXCL : 🔴🔵 🇫🇷 #Ligue1 |
◉ Accord TOTAL trouvé entre le PSG et Randal Kolo Muani ‼️
◉ Cependant un aure club essaie de griller la politessse à Paris 💣
◉ Mais RKM a fait part à ses dirigeants sa volonté de ne rejoindre que LE PSG ‼️https://t.co/6xi8jvQ9cp pic.twitter.com/TTYfHIq4k1
— Santi Aouna (@Santi_J_FM) August 19, 2023
یانەیەکی دیکە هەیە کە هەوڵی گواستنەوەی ئەو یاریزانە فەرەنسییە دەدات لە ئینتراخت فرانکفۆرتەوە، بەڵام مۆانی پێشتر یانە ئەڵمانییەکەی ئاگادارکردووەتەوە کە خواستی لەسەر پاریس سانجێرمانە. 10 رۆژ لەمەوبەر رادیۆی ئاڕ ئێم سی ئاماژەی بەوە کرد کە کۆڵۆ مۆانی بۆ یەکەمجار بە سەرۆکی یانەکەی راگەیاند کە دەیەوێت لەم هاوینەدا جێیان بهێڵێت
ئۆفەرە نوێیەکەی پاریس سانجێرمان بۆ فرانکفۆرت بریتییە لە فرۆشتنی هوگۆ ئێکیتیکە و ریناتۆ سانچێز لەم گواستنەوەیەدا، بەم شێوەیە خەرجی گواستنەوەی کۆلۆموانی کەمتر دەبێتەوە. لە ئێستادا یانەی فرانکفۆرت بڕی 100 ملیۆن یۆرۆ داوا دەکات بۆ فرۆشتنی رانداڵ.
