یاریگا-
لە یەکەم یاری بارسێلۆنا لە وەرزی نوێی لالیگادا، بەرامبەر خیتافی یەکسان بوون بەبێ گۆڵ.
لە خولەکی 70 ی یارییەکەدا، ناوبژیوان چاڤی هێرناندزی راهێنەری بارسێلۆنای بە کارتی سوور کردە دەرەوە.
ناوبژیوانە ئیسپانییەکە لە راپۆرتی دوای یارییەکەدا هۆکاری کارتە سوورەکەی ناردووە بۆ یەکێتی تۆپی پێی ئیسپانیا و نوسیویەتی:
چاڤی لە جێگای دیاریکراوی خۆی دەرچووە و دەستی بەرامبەر ناوبژیوانی چوارەم بەرزکردەوە، وەکو نارەزایەتیەک بەرامبەر بڕیارێکی من لە یارییەکەدا، لە کاتێکدا پێشتر ئاگادارکرابوویەوە لایەن ناوبژیوانی چوارەمەوە، لە دوای کارتە سوورەکەش نەچووە دەرەوە، بەڵکو لە تونێلی رۆشتنی یاریزانەکان وەستابوو.
بەم هۆیەشەوە چاوەڕواندەکرێت چاڤی سزا بدرێت، رۆمێرۆی رۆژنامەنوسی نزیک لە بارسێلۆناوە دەڵێت، چاڤی بۆ دوو یاری سزا دەدرێت.
