وردەکاری پڕۆسەی گواستنەوەی کانسێلۆ بۆ بارسێلۆنا
یاریگا –
بارسێلۆنا پێشڤەچوونی بەرچاوی لە گواستنەوەی جواو کانسێلۆ، بەرگریکاری مانچێستەر سیتی کردووە.
فابریزیۆ رۆمانۆ روونیکردووەتەوە، گفتوگۆی نێوان بارسێلۆنا و مانچێستەر سیتی لەبارەی کانسێلۆ دەستیپێکردووە، چاڤی هێرناندێز، راهێنەری بارسا لەسەر هێڵە و بە هەموو شێوەیەک داوای یاریزانە پۆرتوگالییەکە دەکات.
Barcelona, working on João Cancelo as revealed yesterday. Talks ongoing with all parties involved 🔵🔴🇵🇹
More to follow. Next week will be crucial. https://t.co/2zF2Ri6sW2
— Fabrizio Romano (@FabrizioRomano) August 12, 2023
بارسا ناتوانێت بە گرێبەستێکی هەمیشەیی کانسێلۆ بگوازێتەوە، بەڵام هیوایەک بۆ گواستنەوەی بە خواستن هەیە لەگەڵ بژاردەی بە هەمیشەیی کردنی گرێبەستەکە لە کۆتایی ئەم وەرزەدا.
نیکۆلا شیرا دووپاتیدەکاتەوە، بارسا و کانسێلۆ لەسەر مەرجەکانی کەسی رێککەوتوون و ئێستا هەردوو یانەکە لە گفتوگۆدان، تاوەکو هەیکەلیەتیی گواستنەوەکە بە تەواوی دابڕێژنەوە.
Agreement in principle between Joao #Cancelo and #Barça. The fullback wants and pushing to join #FCB, which are in advanced talks with #ManchesterCity to sign him on loan with option to buy. #transfers #MCFC https://t.co/7b2h7LVc61
— Nicolò Schira (@NicoSchira) August 12, 2023
کانسێلۆ لە وەرزی رابردوو لەلایەن گواردیۆلاوە پشتگوێ خرابوو، هەر ئەمەش وایکرد بە خواستن پەیوەندی بە بایرن میونشنەوە بکات و نازناوی بۆندسلیگاشی بەدەستهێنا.
گرێبەستی کانسێلۆ لە ساڵی 2027 لەگەڵ مانچێستەر سیتی بەسەردەچێت و پێناچێت، بە پارەیەکی کەم سیتی جێبهێڵێت.
