ئۆفەرێکی خەیاڵی پێشکەشی ئۆسیمین دەکرێت

یاریگا

دوای شکستهێنانیان لە گواستنەوەی کلیان ئێمباپێ، یانەی هیلالی سعودی سەرنجی خۆی خستۆتە سەر گواستنەوەی ڤیکتۆر ئۆسیمین گۆڵکاری نایجیری یانەی ناپۆلی ئیتاڵیا.

رۆژنامەی وەرزشی ئێکیپی فەرەنسی بڵاویکردەوە، لە چەند کاتژمێری ڕابردوودا، یانە سعودیەکە دوو ئۆفەری پێشکەش کردووە بە بەهای 120 و 140 ملیۆن یۆرۆ بۆ گواستنەوەی ڤیکتۆر ئۆسیمین لە ناپۆلی و هەموو هەوڵێکیش دەدەن ئەو یانەیە و یاریزانەکە رازی بکەن.

ئۆسیمین چەند ڕۆژێک لەمەوبەر پێشنیاری موچەی 40 ملیۆن یۆرۆی هیلالی ڕەتکردووتەوە، تەنها دوو ساڵی دیکەی گرێبەستی لەگەڵ ناپۆلی هەیە، نوێنەرانی ئەویش لە دانوستاندان بۆ درێژکردنەوەی گرێبەستەکەی لەگەڵ پاڵەوانی ئیتاڵیا.

یانەی ناپۆلی بەنیازە مووچەی ئەو هێرشبەرە بۆ حەوت ملیۆن یۆرۆ لە ساڵێکدا بەرزبکاتەوە و بڕگەی هەڵوەشاندنەوەی گرێبەستەکەی بە 160 ملیۆن یۆرۆ یاری بکات، بەڵام نوێنەرانی ئەو یاریزانە دەیانەوێت 120 ملیۆن یۆرۆ وەکو مەرجی هەڵوەشاندنەوەی گرێبەستەکەی دیاری بکرێت.