یاریگا
یانەی ریال مەدریدی ئیسپانیا ئامادەیە کلیان ئێمباپێ بەرامبەر 200 ملیۆن یۆرۆ بگوازێتەوە ریزەکانی.
رۆدریگۆ فایز لە تۆڕی هەواڵی ESPN بڵاویکردەوە، یانەی ڕیال مەدرید گرێبەستێکی 6 ساڵەی تا ساڵی 2029 بۆ ئەستێرە فەرەنسییەکە ئامادە کردووە. دوایین ئۆفەری لۆس بلانکۆس بۆ پاریس سانجێرمان بە 200 ملیۆن یۆرۆ دەبێت، پێشبینیش دەکرێت گواستنەوەکە تا 15ی ئاب تەواو بێت.
فلۆرێنتینۆ پێرێز دەیەوێت پەردە لەسەر پۆستەری ڤینیسیۆس جونیۆر و جود بێلینگهام و کیلیان مباپێ لابدات بۆ کردنەوەی سانتیاگۆ بێرنابیۆی نوێ. ڕۆدریگۆ فایز لەم بارەیەوە دەڵێت
ئەوەی لە چەند کاتژمێری ڕابردوودا باسی لەسەر کراوە ئەوەیە کە هەموو شتێک لەسەر پرۆسەی گواستنەوەی کیلیان ئێمباپێ خێراتر بووە. بۆ ڕیال مەدرید گرنگە ماوەی گرێبەستی ئێمباپێ لەگەڵ بێلینگهام وەک یەک بێت، هەر لەبەر ئەم هۆکارەش پێشنیاری گرێبەستەکەیان کردووە تا ساڵی 2029. ناتوانم وادەی وردتان بۆ باس بکەم، بەڵام گرنگترین شت ئەوەیە هەفتەی داهاتوو پێشکەوتنی یەکلاکەرەوە دەبێت بۆ ئەوەی پێش دەستپێکردنی لالیگا و یارییەکەی بەرامبەر ئەتلەتیک بلباو هەموو شتێک بە فەرمی بێت
