لە گەرمەی راهێنانەکانی ئاتلێتیکۆ مەدرید بومەلەرزە رویدا

یاریگا

لە کاتی مەشقەکانی یانەی ئاتلەتیکۆ مەدریدی ئیسپانیا لە نزیک سیئۆل پایتەختی کۆریای باشوور بوومەلەرزەیەک بە گوڕی 4.2 پلە زەوی هەژاند.

رۆژنامەی ئاسی وەرزشی ئیسپانی بڵاویکردەوە، لە کاتێکدا یاریزانانی ئەتلەتیکۆ مەدرید سەرقاڵی راهێنان کردن بوون، هەموو مۆبایلەکانی یاریزانەکان بە یەک دەنگ زەنگی  ئاگادارکردنەوەی فریاگوزاری لێدا.

دوای چەند خولەکێک، بەرپرسانی کۆریا ڕاگەیاند بوومەلەرزەیەک بە گوڕی 4 پلە بە پێوەری ڕێختەر، کە لە جینان-گون تۆمارکرا، کە نزیکەی 200 کیلۆمەتر لە باشووری سیئۆلەوە دوورە.

مەشقەکان بەبێ هیچ پچڕانێک بەردەوام بوو، چونکە یاریزانەکان زۆر هەستیان بە بوومەلەرزەکە نەکرد.