یاریگا –
تا دێت رۆژەكانی كیلیان ئێمباپێ ئەستێرەی هەڵبژاردەی فەڕەنسا و یانەی پاریس سان جێرمانی هەمان وڵات لەگەڵ یانەكەی بەرەو كۆتایی دەچێت.
گرێبەستەكەی كیلیان لەگەڵ پاریس سان جێرمان لە هاوینی ساڵی 2024 بەسەردەچێت.
ئێمباپێ پێشتر بە ئیدارەی یانەكەی راگەیاند كە دەیەوێت وەرزی داهاتووش لە یانەكەی یاری بكات و پاشان هاوینی ساڵی 2024 بە خۆڕایی پەیوەندی بە ریزەكانی یانەی ریال مەدریدی ئیسپانیەوە بكات.
لای خۆیەوە ناسڕ خلێفی بە یاریزانەكەی راگەیاند یان دەبێت گرێبەستەكەت نوێ بكەیتەوە یان لەم هاوینەدا ریزەكانی یانەكە جێبهێڵێت.
لە دوای ئەو ناكۆكیانەی لە نێوان هەردوولادا دروستبوو، پاریس سان جێرمان وێنەی كیلیان ئێمباپێی لە پۆستەری نوێی BrilliantCrypto لابردووە.
ئەمەش وەك نیشانەی توڕەبوونی یانە فەڕەنسیەكەیە لە هێرشبەرەكەی دوای ئەوەی خواستی خۆی دەربڕی بەوەی كە نایەوێت ئەم هاوینە یانەكەی جێبهێڵێت، پاریس دەیەوێت لەم هاوینەدا یاریزانەكە بڕوات بۆ ئەوەی لە بەرامبەردا بڕێك پارە وەربگرێت.
PSG have DELETED Kylian Mbappé from their new BrilliantCrypto sponsorship poster. ❌ pic.twitter.com/5Vh7JZdohD
— Madrid Zone (@theMadridZone) July 27, 2023
بەپێی زۆربەی سەرچاوەكان یانە فەڕەنسیەكە دەیەوێت وەرزی داهاتوو سزای یاریزانەكە بدات، بەوەی تەواوی وەرزی داهاتوو لەسەر كورسی یەدەگ دەبێت ئەگەر گرێبەستەكەی نوێ نەكاتەوە یان لەم هاوینەدا نەڕوات.
وەرزی رابردوو ئێمباپێ لەگەڵ پاریس بەشداری لە 43 یاری كرد، توانی 41 گۆڵ بكات و 10 گۆڵیش دروست بكات.
