سعودییەكان یاریزانێكی بارسێلۆنایان دەوێت
یاریگا –
راپۆرتە رۆژنامەوانیەكانی ئیسپانیا ئاشكرایانكرد یانەكانی سعودییە ئۆفەرێكیان پێشكەشكردووە بۆ بەدەستهێنانی تواناكانی رافینیای بەڕازیلی و ئەستێرەی یانەی بارسێلۆنای ئیسپانی.
بەپێی زانیاریەكانی رۆژنامەی سپۆرت، بارسێلۆنا یەكەم ئۆفەری لە یەكێك لە یانەكانی خولی سعودییە پێگەیشتووە بۆ بەدەستهێنانی تواناكانی رافینیا لە گواستنەوەكانی هاوینەدا.
لە گواستنەوەكانی هاوینەی وەرزی رابردوودا رافینیا لە لیدز یونایتدەوە پەیوەندی بە یانە كەتەلۆنییەكەوە كرد و توانی سوپەڕی ئیسپانیا و لالیگا لەگەڵ ئەو یانەیە بباتەوە.
🚨💣| JUST IN: Barcelona has already received an offer from Saudi Arabia for Raphinha. [@Benayadachraf] #fcblive 🇧🇷 pic.twitter.com/JLJcscmOTi
— BarçaTimes (@BarcaTimes) July 11, 2023
لە راپۆرتەكەی سپۆرتدا هاتووە، چەندین جار رافینیا ئاشكرایكردووە كە دەیەوێت لە بارسێلۆنا بمێنێتەوە و سەركەوتن بەدەستبهێنێت بە درێسی بارسێلۆناوە، بەڵام ئەگەر ئۆفەرێكی گەورە و گونجاوی بۆ بێت بارسا دەستبەرداری دەبێت.
یانە كەتەلۆنییەكە بەهۆی قەیرانی داراییەوە دەناڵێنێت و دەبێت موچەی یاریزانەكانی كەم بكاتەوە.
