بایرن میونشن ئۆفەرێکی نوێ پێشکەشی تۆتێنهام دەکات
یاریگا
یانەی بایرن میونشنی ئەڵمانیا 80 ملیۆن یۆرۆی پێشکەش بە تۆتنهام کرد لەگەڵ پاداشتەکانی بۆ گواستنەوەی هاری کەین هێرشبەری ئەو یانەیە.
فلۆریان پلاتنبێرگ لە تۆڕی هەواڵی سکای ئەڵمانی بڵاویکردەوە، بایرن میونشن دووەم ئۆفەری خۆی بۆ گواستنەوەی هاری کەین پێشکەش بە تۆتنهام کردووە. ئەم ئۆفەرە 80 ملیۆن یۆرۆیە، کە بە پاداشتەوە زیاد دەکرێت و چاوەڕێ وەڵامی یانە ئینگلیزیەکە دەکەن.
کەین لەگەڵ یانە ئەڵمانییەکە گەیشتووەتە ڕێککەوتن و دەیەوێت پەیوەندی بەم تیپە بکات، پێشتریش باڤارییەکان یەکەم ئۆفەریان بەرامبەر 70 ملیۆن یۆرۆ پێشکەش سپێرز کردووە، بەڵام هەر زوو ئۆفەرەکە لەلایەن ئەو یانەیەوە رەتکرایەوە.
لەلایەکی دیکەوە سەرچاوەکانی بەریتانیا بڵاویان کردووە، لێڤی سەرۆکی تۆتێنهام نیگەرانە لە هەڵس و کەوتی یانە ئەڵمانیەکە و پێیوایە ئەوان بە بێ مۆڵەتی ئەوان گفتوگۆیان لەگەڵ هێرشبەرەکەیان کردووە، بۆیە ئامادەنین بە هیچ شێوەیەک دەستبەرداری بن.
