فەرمی: کانگ لی پەیوەندی بە پاریس سانجێرمان کرد

یاریگا

کانگ ئین لی یاریزانی هەڵبژاردەی کۆریای باشوور و یانەی مایۆرکای ئیسپانیا بەرامبەر20 ملیۆن یۆرۆ پەیوەندی بە یانەی پاریس سانجێرمانەوە کرد.

هەژمارەی فەرمی یانەی پاریس سانجێرمان لە تۆڕی کۆمەڵایەتی تویتەر  بڵاویکردەوە، لەگەڵ یاریزانی کۆری کانگ ئین لی، ئەستێرەی پێشووی یانەی مایۆرکا گەیشتونەتە رێکەوتن و ئەو یاریزانە پەیوەندی بە یانەکەیانەوە کرد.

دوای ڕێککەوتنی کۆتایی نێوان پاریسییەکان و یانە ئیسپانییەکە، ئەم یاریزانە هێرشبەرە کۆرییە بە سەرکەوتوویی لە پشکنینی پزیشکی یانە نوێیەکەی دەرچوو، هەروەها هەواڵی فەرمی گواستنەوەی لە لایەن پاریس سانجێرمان لە تۆڕە کۆمەڵایەتیەکان بڵاوکرایەوە. کانگ ئین لی تەمەن 22 ساڵ بە نزیکەی 20 ملیۆن یۆرۆ بۆ تیپەکەی لویس ئێنریکی زیادکرا.