عوسمان پەیامێکی گەیاندە کارگێری بارسێلۆنا

یاریگا

عوسمان دێمبلی هێرشبەری فەرەنسی یانەکەی بە پرۆژەی وەرزشی یانەکەی دڵخۆشە و ئامادەنیە یانەکەی جێبێڵێت.

فابریزیۆ رۆمانۆ رۆژنامەنوسی ئیتاڵی بڵاویکردەوە، موسا سیسۆکۆ بەرێوەبەری کارەکانی هێرشبەرە فەرەنسیەکەی بلاوگرانا لەگەڵ کارگێری یانەکەی کۆبووەوە و بەرپرسانی ئەو یانەیەی ئاگادار کردووەتەوە ئەو یاریزانە نایەوێت یانەکەی جێبێڵێت.

لە کۆبونەوەکەدا بەرێوەبەری کارەکانی عوسمان بەرپرسانی بلاوگرانای دڵنیا کردووەتەوە ئەوان بڕگەی 50 ملیۆن یۆرۆ وەکو مەرجی هەڵوەشاندنەوەی گرێبەستەکەیان کارا ناکەن و نایانەوێت ئەو یانەیە جێبێڵن.

رۆمانۆ بڵاویشی کردەوە هەردوولا گفتوگۆی ئەرێنیان هەبووە لەسەر نوێکردنەوەی گرێبەستەکەی عوسمان دێمبلی، کە ئەو یاریزانە هاوینی ساڵی 2024 گرێبەستەکەی لەگەڵ یانەکەی هەرێمی کەتەلۆنیا کۆتایی دێت.