یاریگا –
گاڕیس بەیڵ، یاریزانی پێشووی هەڵبژاردەی وێڵز و لۆس ئەنجلس گالاكسی ئەمریكی باس لە پەیوەندیكردنی لیۆنێل مێسی بە ریزەكانی ئینتەر مەیامی ئەمریكیەوە دەكات.
لە دوای كۆتاییهاتنی گرێبەستەكەی لەگەڵ پاریس سان جێرمان لیۆنێل مێسی بڕیاریدا ئەوروپا جێبهێڵێت و پەیوەندی بە ریزەكانی ئینتەر مەیامیەوە بكات.
گاریس بەیڵ لە پێش یارییەكانی جامی جیهانی 2022ی قەتەڕ پەیوەندی بە لۆس ئەنجلسەوە كرد بۆ ئامادەكاریەكانی مۆندیال و دوای كۆتاییهاتنی یارییەكانی جامی جیهانی وازهێنانی یەكجاری لە یاریكردن راگەیاند.
گاریس بەیڵ لە لێدوانێكیدا كە رۆژنامەی مۆندۆ دیپۆرتیڤۆ بڵاویكردووەتەوە ووتی:
لە ئەمریكا دۆڕاندن بەشێوەیەكی باش قبوڵ دەكەن و هیچ سزایەكیش نیە.
یاریزانەكەی پێشووتری ریال مەدرید ووتیشی:
لە ئەمریکا کاتێك یارییەك دەدۆڕێنیت لەسەر کورسی یەدەگ دانانرێت، هەر کە یارییەکە تەواو بوو بیر لە یاری داهاتوو دەکەیتەوە، ئەوان باشتر دۆڕاندن قبوڵ دەکەن و ئاهەنگ دەگێڕن بۆ هەموو بردنەوەیەك وەك ئەوەی لە چامپیۆنزلیگ براوە بوو بن، بەڕاستی چێژم لێ وەرگرت.
لە كۆتایشدا ووتی:
بێگومان ئەمریكا بێدەنگترە، كاتێك لەگەڵ ریال مەدرید دەدۆڕام وا دیار بوو كە كۆتایی جیهانە و دەبێت لە خاچ بدرێیت، دەگەڕامەوە ماڵەوە و هیچ دڵخۆش نەبووم.
Gareth Bale on Lionel Messi's adjustment to MLS 🗣️
'They accept losing a lot better over there, they know how to lose, but when they win they celebrate like they've won the championship—he'll definitely enjoy it'
(via @btsportfootball) pic.twitter.com/B1kh154pMW
— B/R Football (@brfootball) June 21, 2023
پەیوەندیكردنی لیۆنێل مێسی بە ریزەكانی مەیامیەوە نابێتە فەرمی تا بەرواری 5-7 كە ئەوەش بەرواری كردنەوەی بازاڕی گواستنەوەی یاریزانانە لە ئەمریكا.
