بارسێلۆنا نرخی فرانك كیسێ ـی دیاریكرد
یاریگا –
یانەی بارسێلۆنای ئیسپانی نرخی یاریزانی كۆتدیڤواری یانەكەی فرانك كیسێی دیاریكرد، بۆ ئەو یانانەی گرنگی بە گواستنەوەی یاریزانەكە دەدەن.
بەپێی زانیاریەكانی رۆژنامەی سپۆرت بارسێلۆنا ئامادەیە دەستبەرداری كیسێ ببێت ئەگەر ئۆفەرێكی گونجاوی بۆ بڕوات.
هەروەها هەمان سەرچاوە ئاشكرایكردووە، یانە كەتەلۆنییەكە نرخی ناوەڕاستكارە كۆتدیڤواریەكەی بە 35 ملیۆن یۆرۆ دیاریكردووە بۆ هەر یانەیەك كە بیەوێت بیگوازێتەوە.
لە راپۆرتەكەی سپۆرتدا هاتووە، بارسێلۆنا ئامادە نیە بە كەمتر لەو نرخە گفتوگۆی فرۆشتنی یاریزانەكەی بكات، یان ئەو نرخە یان نایفرۆشن.
ئینتەر میلان گرنگی بە گواستنەوەی كیسێ دەدات و دەیانەوێت یاریزانەكە بگەڕێننەوە سێریا ئەی.
GOOOOOOOOOOOOOOOOOL DEL BARÇA!! GOOOOOOOOOOOOOOL DE KESSIE!! (2-1, min 91) #ElClàssic pic.twitter.com/hXEFF6eLac
— FC Barcelona (@FCBarcelona_cat) March 19, 2023
لە گواستنەوەكانی هاوینی رابردوودا كیسێ بە خۆڕایی لە میلانەوە پەیوەندی بە بارسێلۆناوە كرد و گرێبەستەكەی لەگەڵ ئەو یانەیە لە ساڵی 2026 بەسەردەچێت.
