یوسف نەسیری سێڤییا جێدەهێڵێت
یاریگا –
راپۆرتە رۆژنامەوانیەكان ئاشكرایانكرد یوسف نەسیری هێرشبەری مەغریبی یانەی سێڤییای ئیسپانی نزیكە لە جێهێشتنی یانەكەی لە گواستنەوەكانی هاوینەدا.
لە گواستنەوەكانی ساڵی 2020 نەسیری لە لیگانێسەوە بە بڕی 20 ملیۆن یۆرۆ پەیوەندی بە سێڤییاوە كرد و گرێبەستەكەی لەگەڵ ئەو یانەیە لە ساڵی 2025 بەسەردەچێت.
رودی گالێتی رۆژنامەنووس لە هەژماری تایبەتی خۆی لە تۆڕی كۆمەڵایەتی تویتەر نووسیویەتی: ئەگەر هەیە یوسف نەسیری لە گواستنەوەكانی هاوینەدا سێڤییا جێبهێڵێت ئەگەر ئۆفەرێكی گونجاو بگات.
هەروەها نووسیویشیەتی: یانەكانی ئیتاڵیا و ئینگلتەرا لە ماوەی چەند مانگی رابردوودا بە وردی چاودێری ئاستی یاریزانەكەیان كردووە.
🚨↩️ Youssef #EnNesyri could leave #Sevilla in the summer if a suitable offer arrives.
‼️ Some clubs from 🏴 and 🇮🇹 have been monitored his performances in recent months.
📌 The contract of the 🇲🇦 striker will expires in 2025. 🐓⚽ #Transfers pic.twitter.com/dPQHY33GkH
— Rudy Galetti (@RudyGaletti) June 16, 2023
لە گواستنەوەكانی زستانەی رابردوودا یانەی وێستهام هەوڵی بەدەستهێنانی تواناكانی هێرشبەرە مەغریبیەكەی دا بەڵام سێڤییا رەتیكردەوە بە كەمتر لە 40 ملیۆن یۆرۆ دەستبەرداری ببێت.
لە وەرزی رابردوودا نەسیری بەشداری لە 48 یاریدا كرد و توانی 18 گۆڵ بكات و دوو گۆڵیش درووست بكات نازناوی یۆرۆپالیگ لەگەڵ یانەكەی بباتەوە.
