ووردەکاری گرێبەستەکەی بێڵینگهام لەگەڵ ریاڵ مەدرید
یاریگا-لە کۆتاییدا ریاڵ مەدرید گرێبەستی جود بێڵینگهامی راگەیاند و بووە یەکێک لە گرانبەهاترین یاریزانانانی مێژووی یانەکە.
بەگوێرەی رێککەوتنی مەدرید لەگەڵ دۆرتموند، دەکرێت جود بێڵینگهام ببێتە گرانترین یاریزانی مێژووی لۆس بلانکۆس ئەگەر ئاست و ئەنجامی باش بێت.
دۆرتموند ١٠٣ ملیۆن یۆرۆی جێگیر وەردەگرێت بەرامبەر بە دەستبەرداربوون لە لاوە ئینگلیزییەکە، جگە بڕە پارەیەکی زۆر لەسەر گۆڕاوەکان دانراوە بەپێی ئاست و ئەنجام. دەکرێت کۆی تێچووی گواستنەوەکە بگاتە ١٣٣.٩ بەپێی ئاست و ئەنجام.
بەشێک لە گۆڕاوەکان بەپێی ئاستی کەسیی خودی یاریزانەکەیە و بەشێکی دیکە ئەنجامە گشتییەکانی یانەکە.
سەبارەت بە مووچە، بێڵینگهام لە نێوان ١٠-١٢ ملیۆن یۆرۆی ساڵانە وەردەگرێت ئەوەش نزیکە لە مووچەیەکی ئاست ناوەند لە یانەکە. هەریەک لە تۆنی کروس، دەیڤد ئالابا، لوکا مۆدریچ، ڤینیسیوس جونیۆر، تیباو کۆرتوا، ئەنتۆنی رودیگەر و ئاورێلیۆ چوامێنی مووچەیان لە بێڵینگهام زیاترە.
