چالهانئۆگلۆ داهاتووی خۆی یەكلادەكاتەوە
یاریگا –
هاكان چالهانئۆگلۆ، یاریزانی توركی یانەی ئینتەر میلانی ئیتاڵی داهاتووی خۆی لەگەڵ یانەكەی یەكلا كردەوە.
لە هاوینی ساڵی 2021 چالهانئۆگلۆ بە گرێبەستێكی ئازاد لە ئەی سی میلانەوە پەیوەندی بە ئینتەر میلان كرد و لەگەڵ ئەو یانەیە تا ساڵی 2024 گرێبەستی هەیە.
لە چاوپێكەوتنێكیدا بۆ رۆژنامەی سكای سپۆرت چالهانئۆگلۆ ووتی: رێككەوتنێكی سەرەتایی هەیە لەسەر نوێكردنەوەی گرێبەستەكەم، خۆشحاڵم لێرە بەردەوام بم.
هەروەها فابریزیۆ رۆمانۆ رۆژنامەنووسی باوەڕپێكراوی ئیتاڵی و شارەزا لە بواری گواستنەوەی یاریزانان ئاشكرایكرد، چالهانئۆگلۆ لە چەند رۆژی داهاتوودا واژۆ لەسەر نوێكردنەوەی گرێبەستەكەی لەگەڵ ئینتەر میلان تا ساڵی 2027 دەكات.
Hakan Çalhanoglu will sign new deal in the next days — it’s all done and sealed, contract will be valid until June 2027. ⚫️🔵🇹🇷 #Inter
“There’s an agreement in principle, I’m so happy to continue here”, he told Sky. pic.twitter.com/Lz8CFnDmVe
— Fabrizio Romano (@FabrizioRomano) May 24, 2023
شەوی رابردوو نێراتزۆری توانی ببێتە پاڵەوانی جامی ئیتاڵیا دوای بردنەوەیان لە فیۆرێنتینا لە یاری كۆتایی بە ئینتەر دوو گۆڵ بەرامبەر گۆڵێك.
لەم وەرزەی سێریائەیدا چالهانئۆگلۆ لەگەڵ ئینتەر میلان بەشداری لە 31 یاری كردووە و توانیویەتی سێ گۆڵ بكات و شەش گۆڵیش درووست بكات.
