یاریگا –
دوای زنجیرەیەک ئەنجامی لاواز وەلی کەریم راهێنەری یانەی نەورۆز دەست لە کار کێشانەوەی لە پۆستەکەی راگەیاند، بەڵام ئەو داوایەی رەتکرایەوە.
یانەی نەورۆز لە بەیاننامەیەکی فەرمی رایگەیاند لە کۆبونەوەی دەستەی کارگێری یانەکەیان بڕیاردرا کە دەست لە کارکێشانەوەی وەلی کەریم راهێنەری یانەکەیان رەتبکرێتەوە و پێویستە ناوبراو لەسەر پۆستی خۆی وەکو راهێنەر بەردەوام بێت.
لە بەشێکی دیکەی بەیاننامەکەی یانەی نەورۆز هاتووە ئەوان سوپاسی خەمخۆری هەموو لایەک و بە تایبەت هاندەرانی یانەکەیان دەکەن و بە هەموو شێوەیەکیش پشتگری مانەوەی وەلی کەریم راهێنەری یانەکەیان دەکەن.
یانەی نەورۆز لەم وەرزەی خولی نایابی عێراق دوای تێپەڕبوونی 27 یاری خاوەنی نۆ سەرکەوتن و 11 شکستە و بە کۆکردنەوەی 34 خاڵ لە پلەی 13ی ریزبەندی خولی نایابی عێراقن.
