یاریگا –
یانەی بارسێلۆنای ئیسپانی لیستی یاریزانە بانگهێشتكراوەكانی یانەكەی بۆ یارییەكەیان بەرامبەر ئاتلەتیكۆ مەدرید بڵاوكردەوە و چاڤی هێرناندێزی راهێنەر لامین یامال یاریزانی لاوی بارسێلۆنای خوار 19 ساڵانی بانگهێشتكردووە.
وا بڕیارە ئەمڕۆ یەكشەممە كاتژمێر 17:15 بە كاتێ كوردستان بارسێلۆنا لە یاریگای سپۆتیفای كامپ نۆوی تایبەت بە خۆی میوانداری ئاتلەتیكۆ مەدرید بكات، لە میانی یارییەكانی هەفتەی 30 خولی ئیسپانیا.
لیستی یاریزانە بانگهێشتكراوەكانی بارسێلۆنا:
لامین یامال بچووكترین یاریزانە كە بانگهێشتی لیستی یاریزانە بانگهێشتكراوەكانی بارسێلۆنا بكرێت بۆ ئەنجامدانی یاریەكی فەرمی.
دەربارەی بانگهێشتكردنی لامین یامال چاڤی گووتی:
هەوڵدەدەین دەرفەتێک بە لاوەكان بدەین و ئەو یاریزانێکە دەتوانێت یارمەتیمان بدات و بەهرەیەکی گەورەی هەیە و لاوە و كەسایەتی خۆی هەیە لە یەك بەرامبەر یەكدا بەهێزە، لە بانگهێشتكردنی ناترسم و یارمەتیمان دەدات.
لامین یامال یاریزانی تازە پێگەشتووی بارسێلۆنا كێیە؟
لامین یامال لە مانگی حەوتی ساڵی 2007 لە شاری ماتارۆی ئیسپانیا لەدایك بووە، باوكی مەغریبیە و دایكی خەڵكی غینیایە.
یامال تەمەنی 15ساڵە و لە بارسێلۆنا دەستی بە یاریكردن كردووە لە تەمەنێكی بچووكدا پەیوەندی بەو یانەیەوە كردووە.
یاریزانە تەمەن 15 ساڵانەكە لە تیمی لاوانی بارسێلۆناوە دەستی بە یاریكردن كردووە و لە هاوینی ساڵی 2021 بەرزكرایەوە بۆ بارسێلۆنای خوار 16 ساڵان و لە هاوینی رابردووشدا بەرزكرایەوە بۆ تیمی خوار 19 ساڵان.
یامال بەردەوام بووە لە درەوشانەوەیی لەگەڵ تیمە لاوەكاندا و بەهۆی ئاستە بەرزەكەیەوە چاڤی هێرناندێز بانگهێشتی لیستی یاریزانەكانی یانەكەی بۆ یاریەكی گرنگی لالیگا كردووە.
This is Lamine Yamal. pic.twitter.com/9skFlWY3tE
— FC Barcelona (@FCBarcelona) April 22, 2023
لامین یامال لە هێڵی هێرشبردن یاری دەكات و خاوەنی قاچێكی چەپی بەهێزە و شوێنی سەرەكی یاریكردنی باڵی راستی هێرشبەرییە.
ڤیدیۆی بەشێك لە یاریكردنی:
🎥 Lamine Yamal Highlights
— Barça Spaces (@BarcaSpaces) April 22, 2023
