یاریگا–
سادیۆ مانێ، هێرشبەری سەنیگالی یانەی بایرن میونشنی ئەڵمانی، ماوەیەکە بەهۆی پێکان لە یاریگاکان دابڕاوە و راهێنەری یانەکەشی باس لە وادەی گەڕانەوەی دەکات.
جولیان ناگلیزمان راهێنەری یانە ئەڵمانیەکە لەبارەی بارودۆخی هێرشبەرە سەنیگالیەکەی گووتی “ سادیۆ ماوەیەکە دەستی بە راهێنانەکان کردووە و ئازارەکان کەم بونەوە، لەو بڕوایەدام ناوەڕاستی ئەم مانگە یان کۆتاییەکانی بە تەواوەتی چاک دەبێتەوە و دەگەڕێتەوە بۆ یاریگاکان “.
راهێنەرەکەی بایرن میونشن ئەوەشی گووت “ مانێ بە دڵنیاییەوە بەشداری یاری چوونی قۆناغی شازدەی چامپیۆنزلیگ، بەرامبەر پاریس سانجێرمان ناکات “.
