فەرمی: رافایێل ڤاران وازهێنانی لە یاری نێودەوڵەتی ڕاگەیاند

یاریگا-

بەشێوەیەكی فەرمی ڕافایێل ڤاران بەرگریكاری هەڵبژاردەی فەڕەنسا وازهێنانی خۆی لە یاری نێودەوڵەتی ڕاگەیاند.

ڤاران لەگەڵ هەڵبژاردەی فەڕەنسا توانی نازناوی جامی جیهانی 2018 بەدەستبهێنێت.

كەمێك پێش ئێستا ڤاران لە هەژماری تایبەتی خۆی لە تۆڕی كۆمەڵایەتی ئینستاگرام پەیامێكی بڵاوكردەوە كە تێیدا وازهێنانی خۆی لە یاری نێودەوڵەتی ڕاگەیاند و جارێكی دیكە بە درێسی هەڵبژاردەكەیەوە یاری ناكاتەوە.

بەرگریكارەكەی كەڵەشێرەكان لە تەمەنی 29 ساڵیدا وازهێنانی خۆی لە یاری نێودەوڵەتی ڕاگەیاند و بە درێسی هەڵبژاردەكەیەوە بەشداری لە 93 یاریدا كرد و توانیویەتی پێنج گۆڵ تۆمار بكات.