رۆناڵدۆ ریکۆردێکی مێژوویی تۆمار کرد

یاریگا–
کریستیانۆ رۆناڵدۆ، هێرشبەری هەڵبژاردەی پۆرتوگال بووە یەکەم یاریزان لە مێژوودا پێنج مۆندیال لەسەر یەک گۆڵ تۆمار بکات.

هەڵبژاردەی پۆرتوگال لە یەکەم یاری خۆی لە مۆندیالی 2022 رووبەڕووی غانا بووەوە و لەم یارییە دۆن گۆڵی یەکەمی هەڵبژاردەکەی کرد و بووە یەکەم یاریزان پێنج مۆندیال لەسەر یەک گۆڵ تۆمار بکات. کریس لەوەتەی مۆندیالی 2006 بەشداری دەکات و تاوەکو ئێستا خاوەنی 8 گۆڵە لە مێژووی پاڵەوانتیەکە.

هەر یەکە لە لیۆنێل مێسی و میرۆسلاڤ کلۆزێ و پێلێ و هەروەها سێلەر چوار مۆندیال لەسەر یەک گۆڵیان کردووە.