یاریگا–
رومێلو لوکاکو، هێرشبەری بەلجیکی یانەی ئینتەر میلانی ئیتاڵیا جارێکی دیکە تووشی پێکان بوو.
هێرشبەرەکەی نێرازۆری دوای نزیکەی دوو مانگ دابڕان بەهۆی پێکان، هەفتەی رابردوو گەڕایەوە و، ئەمڕۆ فابریزیۆ رۆمانۆ رۆژنامەنوسی ئیتاڵی بڵاویکردەوە، ئەو یاریزانە جارێکی دیکە لە ماسولکەکانی تووشی پێکان بووە و بۆ یاری ئەم هەفتەیە بەرامبەر بایرن میونشن لە چامپیۆنزلیگ بەردەست نابێت.
رۆژنامەنوسەکە بڵاویشی کردووەتەوە لوکاکو زۆر بە وردی کار لەسەر پێکانەکەی دەکات و دەیەوێت بۆ مۆندیالی قەتەر سەرکردایەتی هوڵبژاردەی وڵاتەکەی بکات.
