یاریگا-
فێرلاند مێندی فەڕەنسی و بەرگریكاری یانەی ڕیاڵ مەدریدی ئیسپانی باس لە یاریەكەیان دەكات بەرامبەر بارسێلۆنا.
وا بڕیارە ئەمڕۆ یەكشەممە كاتژمێر 17:15 بە كاتی كوردستان ڕیاڵ مەدرید لە یاریگای سانتیاگۆ بێرنابیۆی تایبەت بە خۆی میوانداری بارسێلۆنا بكات لە میانەی یاریەكانی هەفتەی نۆیەمی لالیگای ئیسپانیا.
لە لێدوانی پێش یاریەكەدا مێندی ووتی: ئێمە ئامادەین، دەمانەوێت کلاسیکۆ ببەینەوە و هەموو هەوڵێک دەدەین بۆ بردنەوە، یارییەکی تایبەتە چونکە دەزانین رکابەرییەکی زۆر لەنێوان هەردوو یانەكەدا هەیە و هەموو شتێک دەكەین بۆ بەدەستهێنانی سێ خاڵی یاریەكە.
بارسێلۆنا بە كۆكردنەوەی 22 خاڵ لە پلەی یەكەمی ڕیزبەندیە و ڕیاڵ مەدریدیش بە كۆكردنەوەی هەمان خاڵ لە ڕیزبەندی دووەمی خولەكەیە.
