ئینزاگی: یارییەکەی بەرامبەر بارسێلۆنا هەلێکی گەورەیە بۆ ئێمە

یاریگا–
سیمۆنێ ئینزاگی، راهێنەری یانەی ئینتەر میلان یاری بەرامبەر بارسێلۆنا بە دەرفەت دەزانێت بۆ ئەوەی بگەڕێنەوە سەر رێچکەی سەرکەوتنەکان.

راهێنەرە ئیتاڵیەکە لە کۆنگرەی رۆژنامەوانی پێش یارییەکە گووتی “ یارییەکەی بەرامبەر بارسا بۆ ئێمە دەرفەتێکی باشە، لەم یارییە رووبەڕووی یەکێک لە یانە گەورەکانی ئەوروپا دەبینەوە و بۆ بردنەوە پێویستیمان بە ئیرادەیەکی زۆرە و دەمانەوێت لەو یارییە بگەڕێینەوە سەر رێچکەی سەرکەوتنەکان “.

ئینتەر میلان و بارسێلۆنا شەوی داهاتوو لە گەڕی سێیەمی قۆناغی کۆمەڵەکانی چامپیۆنزلیگ لە ئیتاڵیا رووبەڕووی یەکتری دەبنەوە.