یاریگا–
کارگێری یانەی بارسێلۆنای ئیسپانیا بریاریداوە لەمەودوا سنورێک بۆ مووچەی یاریزانەکانی یانەکەی دابنێت.
رۆژنامەی وەرزشی ئاسی ئیسپانی بڵاویکردەوە، کارگێری بلاوگرانا لە پێناو سوک کردنی باری دارایی یانەکەیان، بریاریداوە هیچ یاریزانێک مووچەی ساڵانەی لە 10 ملیۆن یۆرۆ زیاتر نەبێت، هەروەها ئەو یاریزانانەشی کە پەیوەندی بەم یانەوە دەکەن، ئەم بریارە دەیانگرێتەوە.
بارسێلۆنا بەهۆی کەلەکەبونی قەرزەکانی کە سنوری یەک ملیار یۆرۆی تێپەڕاندووە، خەریکە تووشی گەورەترین کێشە دەبێت، بۆیە بریاریانداوە لە هەموو روویێکەوە چاکسازی بکەن.
