ئیتاڵیا
فەرمی: رێدبێرد بووە خاوەنی میلان
یاریگا-گروپی رێدبێرد کاپیتاڵ بە سەرۆکایەتی جێری کاردیناڵ بەفەرمی بوونە خاوەنی یانەی ئەیسی میلان.
دوێنێ نزیک بوون لە رێککەوتن لەگەڵ گروپی ئیلیۆت بەرامبەر بە ١.٣ ملیار یۆرۆ و یاداشتێکی تێگەیشتنیان واژۆکرد، ئەمڕۆش راگەیەندرا بەرامبەر بە ١.٢ ملیار یۆرۆ گەیشتوونەتە رێککەوتنی کۆتایی.
تەواو دەستاودەستکردنی دەسەڵاتەکان چەند مانگێک دەخایەنێت و چاوەڕواندەکرێت مانگی نۆ بە تەواوی کارەکان رادەستی خاوەنە نوێکە بکرێت.
وابڕیارە لەم هەفتەیەشدا جێری کاردیناڵ لەگەڵ پاوڵۆ ماڵدینی بەڕێوبەر کۆببێتەوە بۆ گەنگەشەکردنی پلانەکانی یانەکە لەرووی گرێبەست و هێنان و فرۆشتنی یاریزانان.
