یاریگا-
كەریم بێنزیمای فەڕەنسی و ئەستێرەی یانەی ڕیاڵ مەدریدی ئیسپانی ژمارەیەكی ڕائول گۆنزالیزی ئەستێرەی پێشووی مێرینگی یەكسان كردەوە.
ڕیاڵ مەدرید لە یاریگای خۆیدا میوانداری لیڤانتی كرد و یاریەكەشی بە ئەنجامێكی گەورە و بە شەش گۆڵی بێ وەڵام لێ بردەوە ، لە میانەی یاریەكانی هەفتەی 36ی خولی ئیسپانیا.
بێنزیما توانی لەو شەش گۆڵە گۆڵێك تۆمار بكات و بەو گۆڵەش ژمارەی گۆڵەكانی گەیاندە 323 گۆڵ و لەگەڵ ڕائول یەكسان بوویەوە وەك دووەم باشترین گۆڵكاری یانە شاهانەكە.
گۆڵكارە فەڕەنسیەكە بە 603 یاری گەشتە گۆڵی ژمارە 323 و ڕائول دوای ئەنجامدانی 741 یاری گەشتە ئەو ژمارەیە.
لە پلەی یەكەم كریستیانۆ ڕۆناڵدۆی ئەستێرەی پێشووی ڕیاڵ مەدرید دێت بە 451 گۆڵ.
