یاریگا-
پاڤێڵ نیدڤید ، جێگری سەرۆكی یانەی یوڤێنتوسی ئیتاڵی باس لە هۆكاری نوێ نەكردنەوەی گرێبەستی پاولۆ دیبالای ئەرجەنتینی و ئەستێرەی یانەكەیان دەكات.
گرێبەستەكەی دیبالا لەگەڵ یوڤێنتوس لە هاوینی ئەمساڵدا بەسەردەچێت و یوڤێنتوسیش ڕایگەیاند كە گرێبەستەكەی نوێ ناكەنەوە و یاریزانەكە بە خۆڕایی یانەكەی جێدەهێڵێت.
نیدڤید لە لێدوانیدا كە پێگەی فوتبۆڵ ئیتالیا بڵاویكردووەتەوە ووتی: یاریزانەكەمان هەڵسەنگاند لە هەموو ڕوویەكەوە ، ئەوەی پێشكەشی كردووین لە ناوەوە و دەرەوەی یاریگا ، بەڕەچاوكردنی ئەوانە زانیمان داواكاریەكانی زۆر زۆرە بە مەبەستی نوێكردنەوەی گرێبەستەكەی.
هەروەها ووتیشی: ئەوەی دیبالا داوای دەكات مافی خۆیەتی چونكە یاریزانێكی نایابە ، بەڵام هەست ناكەم بتوانین ئەو پارەیە بدەین ، هەربۆیە هەردوولا گەشتینە ڕێككەوتن و بڕیاری ڕۆشتنیدا ، ئەمەش ئەوە ناگەیەنێت كە یاریزانێكی نایاب نیە.
