یاریگا–
لە ئێستاوە هۆشداری بە یانەی چێڵسی دەدرێت، ئەگەر پێش دەستپێکردنی وەرزی داهاتوو یانەکە نەفرۆشرێت، ئەوا رووبەڕووی سزای توند دەبنەوە.
رۆژنامەی وەرزشی تەلەگرافی بەریتانی بڵاویکردەوە، ئەنجومەنی پرێمەرلیگ هۆشداری داوەتە کارگێری بلوز، ئەگەر تاوەکو پێش دەستپێکردنی وەرزی داهاتوو چارەنوسی خاوەنداریەتی یانەکە یەکلایی نەکرێتەوە، ئەوا رێگەیان پێ نادرێت بەشداری وەرزی داهاتووی خولەکە بکەن.
دوای هێرشەکانی رووسیا بۆ سەر خاکی ئۆکرانیا، حکومەتی بەریتانیا خاوەنداریەتی یانەی چێڵسی وڵاتەکەیان لە رۆمان ئابرامۆڤیچی رووسی وەرگرتەوە و ، تاوەکو ئێستاش هیچ کەسێک نەیتوانی یانەکە بکڕێتەوە.
