یاریگا–
عوسمان دێمبلی، هێرشبەری فەرەنسی یانەی بارسێلۆنای ئیسپانیا بووەتە ئامانجی یەکەمی وەرزی داهاتوی یانەی پاریس سانجێرمانی وڵاتەکەی.
تۆنی خوان مارتی رۆژنامەنوسی کەتەلۆنی بڵاویکردەوە، کارگێری شازادەکان ئۆفەرێکی پێشکەش یاریزانەکەی بلاوگرانا کردووە و، ئامادەن ساڵانە 17 ملیۆن یۆرۆ وەکو مووچەی پێبدەن، بەڵام ئەو یاریزانە هەموو ئامانجی مانەوەیە لە یانەکەی.
عوسمان ئەم هاوینە گرێبەستەکەی کۆتایی دێت و، سەرچاوە نزیکەکانی لەو یاریزانەش باس لەوە دەکەن، مەرجی نوێکردنەوەی گرێبەستەکەی زیاد کردنی مووچەکەیەتی.
