یاریگا–
یۆرگێن کلۆپ، راهێنەری ئەڵمانی یانەی لیڤەرپوولی ئینگلیزی گرێبەستەکەی لەگەڵ یانەکەی تاوەکو ساڵی 2026 نوێکردوەتەوە.
داڤید ئۆرنستین لە رۆژنامەی ئاتلێتیکی بەریتانی بڵاویکردەوە، راهێنەرەکەی رێدز لەگەڵ یانەکەی گەیشتووەتە رێکەوتن و گرێبەستەکەی بۆ ماوەی دوو وەرزی دیکە نوێکردووەتەوە و، چاوەڕێش دەکرێت لە چەند کاتژمێری داهاتوو بەفەرمی هەواڵەکە بڵاوبکرێتەوە.
کلۆپ لە ساڵی 2015 بووەتەوە راهێنەری لیڤەرپوول و پێشتر دەنگۆیەک هەبوو دوای کۆتایی هاتنی گرێبەستەکەی واز لە پۆستەکەی دێنێت.
