هازارد و مێندی گەڕانەوە

یاریگا-لە میانەی مەشقەکانی ئەمڕۆی ریاڵ مەدرید دا، هەریەک لە ئێدین هازارد و فێرلان مێندی گەڕانەوە مەشقەکانی سەر چیمەنی سەوز.

هەردووکیان پێشتر بەهۆی پێکان دوورکەوتبوونەوە و پێویستییان بە کاتی زیاترە تاوەکو بانگهێشتی یارییەکان بکرێن بەڵام  چاوەڕواندەکرێت لە ماوەی هەفتەیەکدا بتوانن بگەڕێنەوە مەشقە بە کۆمەڵەکان.

مەدرید پێویستی بە مێندییە بەر لە یارییەکەی ئەتڵەتیکۆ مەدرید و مان سیتی بەڵام گەڕانەوەی هازارد پێناچێت گۆڕانکاری لە پلانەکانی راهێنەردا بکات.

هاوکات، یۆڤیج و سیبایۆس بە تەواوەتی چاک بوونەتەوەو بەشداربوون لە مەشقە بە کۆمەڵەکان. چاوەڕواندەکرێت بۆ یارییەکەی بەرامبەر ئۆساسۆنا  لە شەوی چوارشەممەدا ئامادەبن.