یاریگا–
ئەمڕۆ بەیانی یاریزانانی یانەی بارسێلۆنا بە مەبەستی ئامادەکاری بۆ یاری داهاتووی یانەکەیان، بەشداری یەکەیەکی دیکەی مەشق و راهێنانیان کرد.
رۆژنامەی وەرزشی سپۆرتی کەتەلۆنی بڵاویکردەوە، دوای ماوەیەک دابڕان جێرارد پیکێ بەرگریکاری بارسا ئەمڕۆ بەشدای راهێنانەکانی یانەکەی کردەوە، هەروەها هەر یەکە لە سێرجینۆ دێست و مێمفیس دیپای، ئەم دوو یاریزانەش بەشداری راهێنانە بە کۆمەڵەکانیان کردەوە.
بارسێلۆنا شەوی داهاتوو لە یاری گەڕانەوەی قۆناخی چارەکی کۆتایی یۆرۆپالیگ رووبەڕووی یانەی ئاینتراخت فرانکفۆرتی ئەڵمانی دەبێتەوە و چاوەڕێ دەکرێت ئەمڕۆ لیستی ناوی یاریزانە بانگهێشتکراوەکان بڵاوبکرێتەوە.
